June 7, 2022
Digjitalizimi i materialeve mësimore
Zhvillimi i Materialeve Mësimore Digjitale; Bashkëpunimi me Projektin “Skills 4 Jobs”, Swisscontact
Praktika.al bashkëpunon aktualisht me projektin “Skills 4 Jobs” në kuadër të
evdentimit të nevojave dhe zhvillimit të materialeve mësimore digjitale për lëndët
profesionale të shkollave të mesme profesionale në Shqipëri, duke ofruar ekspertizë
pedagogjike dhe suport IT. Ekspertiza didaktike dhe pedagogjike që ofrohet
konsiston në trajnimin, orientimin, ndjekjen dhe dhënien e sugjerimeve të vlefshme
për mësuesit pjesëmarrës në hartimin e materialeve mësimore digjitale (sigurimi i
përputhjes së përmbajtjes me kurrikulën dhe i zbatimit të parimeve bazë
pedagogjike; nxitja e hartimit të materialeve interaktive, angazhuese dhe tërheqëse
etj.). Ekspertiza në procesin e digjitalizmimit nëpërmjet platformave digjitale
konsiston në aftësimin e mësuesve në digjitalizimin e materialeve në platforma
digjitale, si dhe në facilitimin e procesit të digjitalizimit, përshtatjen, menaxhimin
dhe mirëmbajtjen e platformës, e cila po përdoret nga një numër gjithnjë në rritje
mësuesish dhe nxënësish, duke mbështetur aplikimin e mësimit të kombinuar.
Aktualisht, falë bashkëpunimit me projektin “Skills 4 Jobs”, ekipi i agjencisë trajnuese
(kompania Praktika.al) ka kontribuuar në hartimin, digjitalizimin dhe përdorimin për
mësimdhënie të 180 lëndëve dhe moduleve profesioanle nëpërmjet platformave
digjitale, për shkollat e mesme profesionale në Shqipëri.