Projekti “Nxitja e Punësimit të Denjë për të Rinjtë dhe të Papunët në Zonën Ndërkufitare të Malit të Zi dhe Shqipërisë”, i financuar nga Bashkimi Europian dhe i zbatuar nga World Vision Albania në bashkëpunim me agjencitë kombëtare e lokale të punësimit, synon të fuqizojë të rinjtë, individët e papunë dhe grupet vulnerabël duke i pajisur me aftësi digjitale, sociale dhe profesionale, për t’u përshtatur më mirë me kërkesat e tregut modern të punës dhe për të shfrytëzuar mundësitë e punësimit në sektorë të ndryshëm, si ICT, turizmi dhe shërbimet. Përmes trajnimeve të certifikuara, praktikave profesionale në kompani vendase dhe projekteve praktike si zhvillimi i faqeve web apo aplikacioneve, përfituesit marrin njohuri konkrete dhe eksperiencë pune.

Në kuadër të këtij projekti kanë nisur edhe trajnimet në Shkollën e Mesme Profesionale “Kolin Gjoka” në Lezhë, ku disa nxënës po përgatiten me njohuri dhe përvojë praktike për t’u integruar më lehtë në tregun e punës, duke shfrytëzuar mundësitë që ofron turizmi dhe sektori i shërbimeve. Ky trajnim po zhvillohet nga Praktika.al, në bashkëpunim me bizneset lokale dhe aktorët e punësimit, duke ndërtuar ura lidhëse midis shkollës profesionale dhe tregut real të punës.

Zyra e Bashkëpunimit për Integrimin Europian në Bashkinë Lushnjë, Zyra Vendore e Punës dhe Njësia Vendore Golem bashkëpunojnë në projektin “Aftësi dixhitale për Përfshirje Sociale: Aftësimi dixhital i të rinjve dhe grupeve në nevojë si promotor i punësimit dhe ekonomise”, i cili synon aftësimin digjital të të rinjve dhe grupeve në nevojë si një mënyrë për të promovuar punësimin dhe zhvillimin ekonomik.

Me pjesëmarrjen dhe angazhimin e vazhdueshëm të individëve me aftësi të kufizuara dhe atyre me akses të kufizuar në shërbimet online, projekti ofron trajnime që u japin këtyre përfituesve njohuritë bazë për përdorimin e teknologjisë. Qëllimi është lehtësimi i qasjes në tregun e sotëm të punës, si dhe sigurimi i njohurive të nevojshme për përdorimin e shërbimeve publike online, si e-Albania, apo shërbimeve sociale dhe të punësimit.

Praktika.al, si pjesë zbatuese e këtij projekti, përfaqësuar nga Ardit Hoti, theksoi rëndësinë e këtyre njohurive për përfituesit, duke lehtësuar marrjen e shërbimeve bazë dhe rritur mundësitë e tyre për punësim online.

“BE për Mësimdhënie Gjithëpërfshirëse” është një projekt i financuar nga BE që synon të prezantojë një model mësimdhënieje gjithëpërfshirëse dhe kurrikulë të bazuar në kompetenca në arsimin parauniversitar në Shqipëri, duke mbështetur modernizimin e sistemit arsimor shqiptar. Me një buxhet prej 2.3 milionë eurosh, projekti do të modernizojë kurrikulën e zhvillimit profesional për mësuesit në detyrë dhe do të krijojë një rrjet trajnerësh dhe mësuesish që do të zbatojnë trajnimin zinxhir për kolegët e tyre. Projekti do të mbështesë gjithashtu hartimin e planit për 320 Kabinete të Psikologëve/Shërbimeve Sociale në shkolla, duke garantuar akses për të gjithë nxënësit dhe stafin akademik, si dhe shndërrimin e shkollës për nxënësit që nuk dëgjojnë dhe nuk shikojnë në qendra burimore. Synimet e projektit përfshijnë modernizimin e profesionit të mësuesit (mësimdhënie e bazuar në kompetenca) dhe forcimin e aftësive të mësuesve dhe drejtuesve të shkollave në Shqipëri. Përmes trajnimeve dhe shkëmbimit të praktikave më të mira, projekti do të pajisë 15,000 mësues shqiptarë me njohuri, aftësi dhe kompetenca për të ofruar mësimdhënie moderne dhe gjithëpërfshirëse.

Praktika.al bashkëpunon aktualisht me projektin “Skills 4 Jobs” në kuadër të evdentimit të nevojave dhe zhvillimit të materialeve mësimore digjitale për lëndët profesionale të shkollave të mesme profesionale në Shqipëri, duke ofruar ekspertizë pedagogjike dhe suport IT. Ekspertiza didaktike dhe pedagogjike që ofrohet konsiston në trajnimin, orientimin, ndjekjen dhe dhënien e sugjerimeve të vlefshme për mësuesit pjesëmarrës në hartimin e materialeve mësimore digjitale (sigurimi i përputhjes së përmbajtjes me kurrikulën dhe i zbatimit të parimeve bazë pedagogjike; nxitja e hartimit të materialeve interaktive, angazhuese dhe tërheqëse etj.). Ekspertiza në procesin e digjitalizmimit nëpërmjet platformave digjitale konsiston në aftësimin e mësuesve në digjitalizimin e materialeve në platforma digjitale, si dhe në facilitimin e procesit të digjitalizimit, përshtatjen, menaxhimin dhe mirëmbajtjen e platformës, e cila po përdoret nga një numër gjithnjë në rritje mësuesish dhe nxënësish, duke mbështetur aplikimin e mësimit të kombinuar. Aktualisht, falë bashkëpunimit me projektin “Skills 4 Jobs”, ekipi i agjencisë trajnuese (kompania Praktika.al) ka kontribuuar në hartimin, digjitalizimin dhe përdorimin për mësimdhënie të 180 lëndëve dhe moduleve profesioanle nëpërmjet platformave digjitale, për shkollat e mesme profesionale në Shqipëri.

Praktika.al bashkëpunon prej qershorit 2021 me ITC-ILO (Torino-Itali) në kuadër të aftësimit të një grupi prej 45 profesionistësh ( mësimdhënës dhe ekspertë të fushës së bujqësisë) në mësimin online, përgatitjen e materialeve mësimore digjitale dhe përdorimin e platformave digjitale. Bashkëpunimi u zhvillua përgjatë dy fazave: Faza e pare : Zhvillimi i Trajnimi “Iniciativa e Zhvillimit të Kapaciteteve në E-learning në TVET në Shqipëri” (29 qershor– 27 gusht 2021), me këto veprimtari të përfshira:

• Përgatitja e materialeve të trajnimit
• Zhvillimi i trajnimit nëpërmje ëebinareve të përjavshme, asistim i pjesëmarrësve, organizim i seancave mbi ecurinë e projektit     final, korrigjim detyrash
•  Projekti final

Faza e dytë: Coaching i pjesëmarrësve të trajnimit në Hartimin e Materialeve Digjitale të Aksesueshme (04 tetor – 17 dhjetor 2021), me këto veprimtari të përfshira:

• Dakordësimi me pjesëmarrësit mbi krijimin e grupeve të punës dhe mbi materialet që do të digjitalizohen
• Zhvillimi i seancave coaching me grupet e punës për asistim gjatë prodhimit të materialeve mësimore digjitale
• Ofrimi i suportit ad-hoc të grupeve, në përgjigje të nevojave, vështirësive, sfidave të ndeshura.

Bashkëpunimi konsiston në suport të vazhdueshëm me anë të trajnimeve, mentorimit individual dhe webinareve, në lidhje me:

• përdorimin e teknologjisë në mbështetje të procesit mësimor;
• përdorimin dhe përshtajen e platformës digjitale Moodle si bazë për ndërtimin e një platforme digjitale të personalizuar;
• qasjen dhe aplikimin e mësimit të kombinuar etj.
•  zhvillimin dhe përdorimin e materialeve mësimore digjitale.

Në kuadër të këtij bashkëpunimi, u zhvilllua:

• një program trajnimi trajnerësh 13-javor me fokus në të mësuarit digjital dhe multimedia; në hartimin e përmbajtjes digjitale në funksion të kurrikulës, kontekstit dhe nevojave të audiencës; në mësimin online në distancë dhe në atë të kombinar; në vlerësimin online etj.
• një modul “rifreskues” 1-javor me qëllim sintetizimin e njohurive dhe aftësive të përftuara nga pjesëmarrësit t
• një guidë mbi e-learning (mësimin nëpmjet teknologjisë), përmbajtjen digjitale dhe mësimdhënien e kombinuar, bazuar në materialet kryesore të trajnimit.